Azərbaycan cüdoçusu Uşanqi Kokauri "Paris-2024" Yay Olimpiya Oyunlarında təsəlliverici görüşə çıxıb.
Prosport.Az xəbər verir ki, 100 kq-dan yuxarı çəki dərəcəsində mübarizə aparan idmançı kubalı dünya çempionu Endi Qranda ilə qarşılaşıb.
Rəqibinə 3 şido (cərimə) xəbərdarlığı ilə uduzan Uşanqi Kokauri mübarizəni dayandırıb.
Bununla da Azərbaycan cüdoçuları Paris Olimpiadasını 2 qızıl medalla və medal sıralamasını Yaponiyadan sonra 2-ci sırada başa vurub. Hidayət Heydərov (73 kq) və Zelim Kotsoyev (100 kq) olimpiya çempionu olub.
Qeyd edək ki, hazırda Azərbaycanın aktivində 3 medal var. Cüdoçulardan başqa, boksçu Loren Alfonso (92 kq) yarımfinala vəsiqə qazanmaqla ən azı bürünc mükafatı təmin edib.
14:06
Azərbaycan cüdoçusu Uşanqi Kokauri Fransanın paytaxtı Parisdə keçirilən Yay Olimpiya Oyunlarında növbəti görüşünə çıxıb.
Prosport.Az xəbər verir ki, 100 kq-dan yuxarı çəki dərəcəsində yer alan idmançı 1/4 final mərhələsində son dünya çempionu Kim Min-conqla (Cənubi Koreya) üz-üzə gəlib.
Rəqibinə vaza-ari ilə uduzan Uşanqi Kokauri bürünc medal üçün təsəlliverici görüşlərə qatılacaq.
Qeyd edək ki, daha əvvəl cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olublar. Paris-2024 avqustun 11-də başa çatacaq.
13:07
Azərbaycan cüdoçusu Uşanqi Kokauri Fransanın paytaxtı Parisdə keçirilən Yay Olimpiya Oyunlarında növbəti görüşünə çıxıb.
Prosport.Az xəbər verir ki, 100 kq-dan yuxarı çəki dərəcəsində yer alan idmançı 1/8 final mərhələsində ötən ilin Avropa çempionu Martti Pumalaynenlə (Finlandiya) üz-üzə gəlib.
Rəqibinə ipponla qalib gələn Uşanqi Kokauri 1/4 finala vəsiqə qazanıb. O, növbəti mərhələdə Kim Min-conqla (Cənubi Koreya) qarşılaşacaq.
Qeyd edək ki, daha əvvəl cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olub.
12:12
Azərbaycan cüdoçusu Uşanqi Kokauri Fransanın paytaxtı Parisdə keçirilən Yay Olimpiya Oyunlarında mübarizəyə başlayıb.
Prosport.Az xəbər verir ki, +100 kq-da çıxış edən gürcü əsilli idmançımız 1/16 final mərhələsində ikiqat olimpiya mükafatçısı Rafael Silva (Braziliya) ilə üz-üzə gəlib.
Rəqibinə ipponla qalib gələn Uşanqi Kokauri 1/8 finala vəsiqə qazanıb.
Qeyd edək ki, daha əvvəl cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olub.
