Cüdoçumuz Zelim Kotsoyev Fransanın paytaxtı Parisdə keçirilən Yay Olimpiya Oyunlarının qalibi olub.
Prosport.Az xəbər verir ki, 100 kq çəki dərəcəsində yer alan dünya çempionumuz final mərhələsində ötən il Fransanın Monpelye şəhərindəki Avropa çempionatının finalında yendiyi gürcüstanlı İlya Sulamanidze ilə üz-üzə gəlib.
Cüdoçumuz vaza-ari ilə uduzsa da, sona 15 saniyə qalmış təkrara baxılıb və hakimlər Sulamanidzeyə 3-cü şido xəbərdarlığı verib. Bununla da rəqibinə qalib gələn Kotsoyev olimpiya çempionu olub.
Qeyd edək ki, daha əvvəl cüdoçu Hidayət Heydərov (73 kq) Olimpiadanın qızıl medalına sahib çıxıb.
18:42
Azərbaycan cüdoçusu Zelim Kotsoyev Fransanın paytaxtı Parisdə keçirilən Yay Olimpiya Oyunlarında növbəti görüşünü keçirib.
Prosport.Az xəbər verir ki, 100 kq çəki dərəcəsində yer alan dünya çempionu yarımfinal mərhələsində özbəkistanlı Muzaffarbek Turoboyevlə üz-üzə gəlib.
Rəqibinə qalib gələn Kotsoyev finala vəsiqə qazanıb.
Təmsilçimiz həlledici mərhələdə İlya Sulamanidze ilə (Gürcüstan) qarşılaşacaq.
Qeyd edək ki, Paris-2024 avqustun 11-də başa çatacaq. Daha əvvəl cüdoçu Hidayət Heydərov (73 kq) olimpiya çempionu olub.
14:40
Azərbaycan cüdoçusu Zelim Kotsoyev “Paris-2024” Yay Olimpiya Oyunlarında 1/4 final görüşünə çıxıb.
Prosport.Az xəbər verir ki, 100 kq çəki dərəcəsində mübarizə aparan Avropa və dünya çempionu bu raundda İsrail təmsilçisi Peter Palçiklə qarşılaşıb.
Rəqibini vaza-ari xalı ilə məğlub edən Z.Kotsoyev yarımfinala vəsiqə qazanıb.
Qeyd edək ki, Paris olimpiadasında Azərbaycanın aktivində hələlik bir qızıl medal var. Cüdoçu Hidayət Heydərov (73 kq) Olimpiya çempionu olub.
13:14
Azərbaycan cüdoçusu Zelim Kotsoyev “Paris-2024” Yay Olimpiya Oyunlarında mübarizəyə başlayıb.
Prosport.Az xəbər verir ki, 100 kq çəki dərəcəsində çıxış edən son dünya çempionu 1/8 finalda polşalı Pyotr Kuçera ilə qarşılaşıb. Rəqibinə ipponla qalib gələn Z.Kotsoyev 1/4 finala yüksəlib.
Qeyd edək ki, Paris olimpiadasında Azərbaycanın aktivində hələlik bir qızıl medal var. Cüdoçu Hidayət Heydərov (73 kq) Olimpiya çempionu olub.
