Azərbaycan Basketbol Liqasının III turunda "Naxçıvan"a yenilən "Gəncə"nin məşqçisi Rizvan Səfərov oyunla bağlı fikirlərini bildirib.

Prosport.Az xəbər verir ki, mütəxəssis rəqibi qələbə münasibətilə təbrik edib:

 "Oyuna gəlincə, istər hücumda, istərsə də müdafiədə istədiyimiz kimi oynamadıq. 3 xallıq atışlarda səbəti tuta bilmədik. Bu sadaladıqlarım da məğlubiyyətə gətirib çıxardı. Liqa oyunu bizim üçün Avropa Kubokunda səfər matçı öncəsi önəm daşıyırdı. Çünki yola qələbə ilə çıxmaq istəyirdik. Uğurlu nəticə bizə motivasiya verəcəkdi. Bununla belə peşəkar komandayıq. Özümüzü toparlayıb növbəti oyunlara ciddi hazırlaşmalıyıq".