Azərbaycan Premyer Liqasında VIII turun daha bir oyunu keçirilib.

Prosport.Az xəbər verir ki, günün ilk matçında "Turan Tovuz" səfərdə "İmişli" ilə üz-üzə gəlib.

Yevlax şəhər stadionundakı qarşılaşma nominal meydan sahiblərinin qələbəsi ilə bitib - 1:0.

25-ci dəqiqədə Dioqo Rollo fərqlənib. Qələbə sayəsində xallarının sayını 7-yə çatdıran "İmişli" 9-cu pillədə qərarlaşıb. Tovuz təmsilçisi 14 xalla 4-cü sıradadır.

Günün və turun sonuncu matçında "Kəpəz" "Zirə"ni qəbul edəcək.

Xatırladaq ki, turun əvvəlki oyunlarında "Şamaxı" "Şəfa"nı (3:2), "Sumqayıt" "Araz-Naxçıvan"ı (2:1), "Sabah" - "Qəbələ"ni (4:0) məğlub edib. "Qarabağ" - "Neftçi" oyununda qalib müəyyənləşməyib - 3:3.