Fransanın məşhur “France football” jurnalının təsis etdiyi "Qızıl top" mükafatının 2026-cı il üçün qalibləri bir neçə gündən sonra məlum olacaq.

Prosport.Az xəbər verir ki, maraqlı olacağını nəzərə alaraq, “Kəpəz” komandasında bununla bağlı sorğu aparılıb.

Baş məşqçi Azər Məmmədov və futbolçuların qatıldıqları səsvermə 3 nominasiya üzrə (“İlin ən yaxşı futbolçusu”, “İlin ən yaxşı qapıçısı” və “İlin ən yaxşı məşqçisi”) keçirilib. Yekunda maraqlı nəticələr qeydə alınıb. Belə ki, “sarı-göylər” “Barselona”lı Lamin Yamal, “Arsenal”ın qapıçısı David Raya və PSJ-nin baş məşqçisi Luis Enrikeyə üstünlük veriblər.

Qeyd edək ki, “Qızıl top” mükafatına nominantlar 3 avqust 2025-ci ildən 19 iyul 2026-cı ilə qədər olan göstəriclərə əsasən müəyyənləşdirilib. Qaliblər bu il oktyabrın 26-da Londonda rəsmən açıqlanacaq.

“Kəpəz”in seçimi

İlin ən yaxşı futbolçusu:
Lamin Yamal (“Barselona”, İspaniya yığması) – 11 səs
Lionel Messi (“İnter Mayami”, Argentina yığması) – 10 səs
Xviça Kvaratsxeliya (PSJ, Gürcüstan yığması) – 3 səs
Kilian Mbappe (“Real Madrid”, Fransa yığması) – 2 səs
Maykl Olise (“Bavariya”, Fransa yığması) – 1 səs

İlin ən yaxşı qapıçısı:
David Raya (“Arsenal”, İspaniya yığması) – 9 səs
Unai Simon (“Atletik Bilbao”, İspaniya yığması) – 7 səs
Emiliano Martines (“Çelsi”, Argentina yığması) – 4 səs
Tibo Kurtua (“Real Madrid”, Belçika yığması) – 3 səs
Xuan Qarsiya (“Barselona”, İspaniya yığması) – 2 səs
Vozinya (“Kolo-kolo”, Kabo-Verde yığması) – 1 səs
Yassin Bunu (“Əl-Hilal”, Mərakeş yığması)  - 1 səs

İlin ən yaxşı məşqçisi:
Luis Enrike (PSJ) – 19 səs
Mikel Arteta (“Arsenal”) – 5 səs
Luis de la Fuente (İspaniya yığması) – 3 səs