Kolumbiya millisinin futbolçusu Kamilo Duran ardıcıl ikinci mövsüm iki fərqli komandada Portuqaliyada “Benfika”ya qol vurub.

Prosport.Az xəbər verir ki, 24 yaşlı hücumçu bu dəfə Şotlandiya “Seltik”inin heyətində Avropa Liqasının əsas mərhələsinin II tur matçında fərqlənib.

O, komandası 0:3 hesabı ilə geridə olduğu vaxt – 63-cü dəqiqədə bu qollardan birinin əvəzini çıxıb.

Maraqlıdır ki, “Benfika”nın 1- və 3-cü qollarını da Kamilo Duranla həmsoyad olan həmyerlisi Con Duran vurub. Görüş Portuqaliya klubunun qələbəsi ilə başa çatıb – 3:1.

Qeyd edək ki, Kamilo Duran ötən mövsüm “Qarabağ”da ikən Çempionlar Liqasının əsas mərhələsinin ilk tur matçında da “Benfika”nı məyus edib. Həmin vaxt Azərbaycan təmsilçisi səfərdə qələbə qazanıb – 3:2.