“Sabah”ın özbəkistanlı futbolçusu Umarali Raxmonaliyev Prosport.Az saytının müxbirinin suallarını cavablandırıb.

“Slaviya” üzərində qazanılan 2:0 hesablı qələbə barədə nə deyə bilərsiniz?

Çox vacib qələbə qazandıq. Bu çətin oyunda qalib gəlməyimizə Allah kömək oldu. Başa düşürdük ki, qalib gəlməliyik, çünki bu, evdə keçirdiyimiz ilk matç idi. Çətin oyun oldu. Rəqib aqressiv oynayırdı, amma biz buna hazır idik.

Özünüzün də qol vurmaq şansınız oldu. Çempionlar Liqasında fərqlənmək istəyirdiniz?

Mənim üçün ən vacibi komandanın qələbəsidir. Komanda məğlub olarsa, özümün qol vurmağıma sevinmərəm. Ən yaxşısı komandam qalib gəlsin, mən isə qolsuz qalım.

Çempionlar Liqasında qarşıdakı oyunlarla bağlı nə düşünürsünüz?

Tezliklə bizi daha bir ev oyunu gözləyir. Oktyabrın 20-də Almaniyanın “Borussiya” komandası ilə qarşılaşacağıq. Əlbəttə, çətin olacaq. Rəqibimizi təhlil edəcəyik. Oyuna daha yaxşı hazırlaşmalıyıq.

“Sabah” bu mövsüm Çempionlar Liqasında neçə xal toplaya bilər?

Nəticə Allahın əlindədir. Xallar barədə danışmaq istəmirəm. Hər oyuna 200 faiz hazır olsaq və meydanda hər metr uğrunda bütün qəlbimizlə mübarizə aparsaq, hər şey yaxşı olacaq.

Özbəkistanda da çıxışınızı unutmurlar...

Bəli, stadionda Özbəkistan bayrağını gördüm. Məni dəstəkləməyə gəlmişdilər. Düşünürəm ki, qarşıdakı oyunlarda onların sayı daha da çox olacaq.