İspaniyanın “Vilyarreal” klubunun qapıçısı Peter Qulaçi evində baş verən silahlı qarətə görə UEFA Çempionlar Liqasının əsas mərhələsində “Napoli” ilə matçda iştirak etməyib.

Prosport.Az xəbər verir ki, bu barədə İspaniyanın “Marca” nəşri məlumat yayıb.

36 yaşlı macar qapıçının evi oktyabrın 12-dən 13-nə keçən gecə qarət edilib. Hadisə zamanı futbolçu ailəsi ilə birlikdə evdə olub. Xoşbəxtlikdən, heç kim xəsarət almayıb.

Qulaçinin əvəzinə “Vilyarreal”ın qapısını braziliyalı Luis Junior qoruyub. İspaniya təmsilçisi “Napoli”ni 3:1 hesabı ilə məğlub edib.

Qeyd edək ki, Azərbaycan təmsilçisi “Sabah” əsas mərhələdə VI və VII tur qarşılaşmalarını bu komandalara qarşı keçirəcək.