Çexiyanın "Slaviya" klubunun futbolçusu Tomaş Vlçek UEFA Çempionlar Liqası Liqa mərhələsinin II turunun "Sabah"la matçından öncə keçirilən mətbuat konfransında iştirak edib.

Prosport.Az 25 yaşlı mərkəz müdafiəçisinin fikirlərini təqdim edir:

- Çempionlar Liqasında sonuncu dəfə 17 il əvvəl qalib gəlmisiniz...

- Təzyiqlər bizə mane olmur. “Lans”la ÇL matçından sonra yaxşı nəticələr göstərdik. Düşünürəm ki, o oyunda baş verənlər bizə müsbət təsir göstərdi. Komandamız Çempionlar Liqasında qalib gəlməyə layiqdir. 

- Oyundan əvvəl komanda yoldaşlarınız çox iddialı danışıb. Düşünmürsünüz ki, bu amil rəqibə daha çox motivasiya verər və sizə mənfi təsir göstərər?

- Uzun müddətdir ki, Çempionlar Liqasında qalib gəlmirik. Bu, bizi motivasiya edir. Buradan qələbə ilə qayıtmaq istəyirik.

- Bir çox azarkeş və bukmeykerlərin təhlilinə görə favorit sizsiniz. Bu haqda nə düşünürsünüz?

- “Sabah” çox güclü rəqibdir. Təsnifat mərhələlərində gözəl oynadılar. Rəqibimiz çox səviyyəli komanda hesab olunur. Hamı kimi mən də düşünürəm ki, çox gözəl futbol sərgiləyirlər. Təbii ki, rəqib güclü komandadır. Lakin var gücümüzlə oyuna hazırlaşmışıq.