Azərbaycanı Çempionlar Liqasında təmsil edəcək “Turan” voleybol klubu təlim-məşq toplanışını davam etdirmək üçün Türkiyənin İstanbul şəhərinə yollanıb.

Prosport.Az xəbər verir ki, komanda İstanbulda Türkiyənin ən köklü klublarından biri olan "Fənərbağça" ilə yoldaşlıq oyunu keçirəcək.

Qarşılaşma bu gün Bakı vaxtı ilə saat 18:00-da “Burhan Fələk” İdman Kompleksində baş tutacaq.

Qeyd edək ki, oktyabrın 3-də isə "Turan Tovuz" və "Fənərbağça" arasında Bakıda yoldaşlıq oyunu keçiriləcək.