Sloveniyanın Maribor şəhərində keçirilən XVII Avropa Gənclər Olimpiya Festivalında cüdo üzrə milli komandamız gümüş medal əldə edib.

Prosport.Az xəbər verir ki, Azərbaycan komandası ilk görüşdə Xorvatiya yığmasını 4:2, 2-ci görüşdə Ukraynanı 4:3, yarımfinalda isə Gürcüstanı 4:3 hesabı ilə məğlub edib.

Cüdoçularımızın final görüşündə rəqibi qardaş Türkiyə komandası olub. 2:4 uduzan komandamız ötən il Slovakiyanın Banska Bıstritsa şəhərində keçirilmiş analoji turnirdə qazandığı qızıl medalı bu dəfə gümüşə dəyişib.

Qeyd edək ki, millimiz fərdi yarışlarda 3 qızıl, 2 gümüş və 4 bürünc medal olmaqla 9 medal qazanıb və medal əyarına görə ümumi hesabda və qızlar arasında 1-ci yeri, oğlanlar arasında isə 4-cü yeri tutub.

Ümumiyyətlə, EYOF-da Azərbaycana yeganə medalları cüdoçular qazandırıb.