Sloveniyanın Maribor şəhərində keçirilən XVII Avropa Gənclər Olimpiya Festivalında tatamiyə çıxan Azərbaycan komandasının 4 (2 oğlan, 2 qız) cüdoçusu medal qazanıb.

Prosport.Az xəbər verir ki, təmsilçilərimiz günü 2 qızıl və 2 bürünc medalla başa vurub.

Komandamıza qızıl medalları Vüsalə Hacıyeva (-48 kq) və Xədicə Qədəşova (-52 kq), bürünc medalları isə Məhəmməd Musayev və Cəsur İbadlı (hər ikisi -66 kq) qazandırıb.

Bununla da Azərbaycanın cüdoda medallarının sayı 6-ya çatıb. Komandamız 1 gün əvvəl də 2 bürünc medal əldə etmişdi. Bu nəticə ilə cüdo komandamız EYOF-da Gürcüstandan sonra 2-cidir.