Azərbaycanın yunan-Roma güləşçisi Həsrət Cəfərov Fransanın paytaxtı Parisdə keçirilən Yay Olimpiya Oyunlarında növbəti görüşünə çıxıb.

Prosport.Az xəbər verir ki, 67 kq çəki dərəcəsində yarışan idmançı yarımfinalda Ukraynanı təmsil edən Azərbaycan əsilli güləşçi Pərviz Nəsibovla üz-üzə gəlib.

Qarşılaşma Həsrətin məğlubiyyəti ilə başa çatıb. Rəqib sonuncu xal prinsipinə (3:3) əsasən mərhələ adlayıb

Həsrət Cəfərov sabah bürünc medal uğrunda görüşdə iştirak edəcək.

Rafiq Hüseynovun (92 kq) 1/8 finalda uduzduğu macarıstanlı David Loşontsi finala çıxa bilmədiyi üçün güləşçimiz təsəlliverici görüşlərə qatılmaq şansını itirib.

Qeyd edək ki, Paris-2024 avqustun 11-də başa çatacaq.

15:10

Azərbaycanın yunan-Roma güləşçisi Həsrət Cəfərov "Paris-2024" Yay Olimpiya Oyunlarında ikinci görüşünü keçirib.

Prosport.Az xəbər verir ki, 67 kiloqram çəki dərəcəsində çıxış edən idmançı 1/4 finalda moldovalı Valentin Petiçlə üz-üzə gəlib.

Rəqibinə 3:1 hesabı ilə qalib gələn Cəfərov yarımfinala vəsiqə qazanıb. O, finala gedən yolda Ukraynanı təmsil edən Azərbaycan əsilli güləşçi Pərviz Nəsibovla üz-üzə gələcək.

Digər yunan-Roma güləşçimiz Rafiq Hüseynov (92 kq) isə 1/8 finalda macarıstanlı David Loşontsiyə uduzub. Rəqib finala çıxsa, Hüseynov təsəlliverici görüşlərə qatılmaq şansı əldə edəcək.

Bu gün, həmçinin Sənan Süleymanov (77 kq) bürünc medal uğrunda görüşdə qüvvəsini sınayacaq.

Qeyd edək ki, hazırda Azərbaycanın aktivində üç medal var. Cüdoçular Hidayət Heydərov (73 kq) və Zelim Kotsoyev (100 kq) Olimpiya çempionu olublar, boksçu Alfonso Dominqes (92 kq) isə finala vəsiqə qazanmaqla ən azı gümüş mükafatı təmin edib.

13:46

Azərbaycanın yunan-Roma güləşçisi Həsrət Cəfərov Fransanın paytaxtı Parisdə keçirilən Yay Olimpiya Oyunlarında mübarizəyə başlayıb.

Prosport.Az xəbər verir ki, 67 kq çəki dərəcəsində yarışan idmançı 1/8 final mərhələsində Misirdən olan rəqibi Mohamed Elsayedlə qarşılaşıb.

Görüş idmançımızın 9:0 hesablı qələbəsi ilə yekunlaşıb.

Qeyd edək ki, Paris-2024 avqustun 11-də başa çatacaq.