Bakıda noyabrın 23-25-də keçiriləcək qrepplinq üzrə dünya çempionatının proqramı açıqlanıb.
Prosport.Az xəbər verir ki, Dünya Güləş Birliyinin (UWW) yayımladığı proqrama əsasən, ilk yarış günündə 15 və 17 yaşadək idmançılar mübarizə aparacaqlar.
Noyabrın 24-də 20 yaşadək idmançılar, ertəsi gün isə böyüklər arasında dünya çempionları müəyyənləşəcək.
Hər üç yarış günündə bütün çəki dərəcələri üzrə təsnifat görüşləri saat 10:00-da, təsəlliverici və medal qarşılaşmaları isə saat 18:00-da başlayacaq.
Dünya çempionatı UWW-nin rəsmi saytında pulsuz canlı yayımlanacaq.
