Azərbaycan boksçusu Loren Alfonso "Paris-2024" Yay Olimpiya Oyunlarında növbəti medalı ölkəmizə qazandırıb.

Prosport.Az xəbər verir ki, 92 kq-da yer alan idmançı 1/4 finalda qazaxıstanlı Aybəy Oralbayla üz-üzə gəlib.

Rəqibini 3:2 məğlub edən idmançımız yarımfinala vəsiqə qazanıb. O bununla həm də bürünc medalı təmin edib.

Bununla da Azərbaycanın Parisdəki medal sayı 3-ə çatıb. Daha əvvəl cüdoçularımız Hidayət Heydərov (73 kq) və Zelim Kotsoyev (100 kq) olimpiya çempionu olub.