"Sumqayıt"ın yaponiyalı futbolçusu Masaki Muratanın Prosport.Az-a müsahibəsi

– Azərbaycan Premyer Liqasının XV turunda "Turan Tovuz"la 2:2 oynadınız. Bu matç barədə fikirlərinizi öyrənək...
– Bizim üçün yaxşı ilk hissə oldu. Təsəvvür edin, ilk yarıda hesabda 2:0 öndəydik. Bunu yaxşı nəticə saymaq olardı. Fasilədən sonra isə rəqib tempi yüksəltdi. Uzun toplarla çıxmağa çalışdılar. Sanki biz buna hazır deyildik. 2-ci hissə haqqında yaxşı sözlər deyə bilmərəm. Biz 2-ci yarıda öz oyunumuzu demək olar ki, oynaya bilmədik.

– 2-ci hissədə nə baş verdi ki, rəqib 2 qol vurdu?
– Həqiqətən səbəbini bilmirəm. Biz öz oyunumuzu qoruyub saxlaya bilmədik.

– Növbəti turda lider "Qarabağ"a qarşı oynayacaqsınız. Bu barədə nə deyə bilərsiniz?
– Bizim növbəti rəqibimizin kimliyi fərq etmir. "Sabah" və ya "Turan Tovuz" da olsa, eyni cür mübarizə aparacağıq. Meydana qələbə üçün çıxacağıq. Əlimizdən gələni etmək istəyirik.

– Hazırda turnir cədvəlində 3-cü yerdəsiniz. Artıq avrokubok haqda düşünmək olar?
– Bilmirəm. Mövsüm uzundur, hələ qarşıda 6-7 ay var. Biz sadəcə hər oyuna qələbə üçün çıxmalıyıq.

– Öz çıxışınızı necə dəyərləndirirsiniz?
– 61-ci dəqiqə oynadım. Buna siz qiymət verə bilərsiniz.

Səbuhi Musa