Skip to content
  • Haqqımızda
  • Əlaqə
prosport.az
Banner
  • Futbol
    • Futzal
    • Çimərlik futbolu
    • Minifutbol
  • Güləş
  • Cüdo
  • Top oyunları
    • Voleybol
    • Basketbol
    • Həndbol
  • Döyüş növləri
    • Boks
    • Taekvondo
    • Karate
    • Kikboksinq
    • MMA
  • Digər idman növləri
    • Formula-1
    • Stolüstü oyunlar
  • Multiidman yarışları
    • Olimpiya Oyunları
    • Paralimpiya Oyunları
    • Avropa Oyunları
    • Universitet Oyunları
    • Avropa Gənclər Olimpiya Festivalı
  • Akademiya
  • Müsahibə
  • Özəl xəbər
  • P.S.
prosport.az
prosport.az
  • Futbol
    • Futzal
    • Çimərlik futbolu
    • Minifutbol
  • Güləş
  • Cüdo
  • Top oyunları
    • Voleybol
    • Basketbol
    • Həndbol
  • Döyüş növləri
    • Boks
    • Taekvondo
    • Karate
    • Kikboksinq
    • MMA
  • Digər idman növləri
    • Formula-1
    • Stolüstü oyunlar
  • Multiidman yarışları
    • Olimpiya Oyunları
    • Paralimpiya Oyunları
    • Avropa Oyunları
    • Universitet Oyunları
    • Avropa Gənclər Olimpiya Festivalı
  • Akademiya
  • Müsahibə
  • Özəl xəbər
  • P.S.
    • Haqqımızda
    • Əlaqə
    prosport.az
    Komanda AZ
        Futbol
    "Qarabağ” istənilən türk klubuna qalib gələ bilər" – Şahruddin Məhəmmədəliyev
    27.09.2023 11:30:25

    Prosport.Az Azərbaycan millisinin və Türkiyənin “Adana Demirspor” komandasının qapıçısı Şahruddin Məhəmmədəliyevin AZƏRTAC-a müsahibəsini təqdim edir.

    – Türkiyə klubunda işləriniz necə gedir? Yeni komandanıza uyğunlaşa bilirsiniz?

    – Şükürlər olsun, hər şey qaydasındadır. Sırf komandaya adaptasiya prosesi normal qaydada gedir. Prinsipcə, Azərbaycan və ingilis dilini bilirəm. Sadəcə, türkcə danışmaq bir az çətindir. Qalan məsələlər qaydasındadır. Türkiyə futboluna isə öyrəşmək lazımdır. Çünki tamam fərqli çempionat keçirilir. Türkiyə Superliqası Azərbaycan çempionatında fərqlənir. Burada liqa daha güclüdür.

    – Komandada sizə münasibət necədir?

    – Klubda mənə yaxşı münasibət göstərirlər. Türk futbolçular Azərbaycandan olduğumu, İslam dininə ibadət etdiyimi bilirlər və mənə qardaş kimi yanaşırlar. Legioner futbolçularla bağlı da heç bir problem yoxdur. Hər şey əladır.

    – Türkiyə futbolunda sizi ən çox təəccübləndirən nə oldu?

    – Hələlik məni təəccübləndirən nəsə görməmişəm. Hər şeyi dərk edib “Adana Demirspor”a keçmişəm. Yalnız azarkeşləri qeyd edərdim. İnsanlar futbolu çox sevirlər.

    – Azarkeşlərdən söz düşmüşkən, çempionat matçlarında dolu tribunalar qarşısında oynamaq necədir?

    –  Bu hissləri “Qarabağ”la avrokubok oyunlarında yaşamışam. Odur ki, belə atmosferi həm səfər, həm də ev matçlarında çox görmüşəm. “Qarabağ” azarkeşləri də bizi yaxşı dəstəkləyirdilər. Adana klubunun çox güclü azarkeş dəstəyi var. İnsanlar futbolla nəfəs alırlar. Adana ölkənin ən əsas futbol regionlarından biridir. Bu mənada, burada oynamaq xoşdur. Ümumiyyətlə, futbol azarkeşlər üçündür. Biz oynayırıq ki, onlar stadionlara gəlsinlər, tribunaları doldursunlar. Tamaşaçısız futbol olmaz. Təəssüf ki, Azərbaycanda insanlar stadionlara az gəlirlər.

    – “Qarabağ” Türkiyə çempionatında çıxış etsəydi, hansı yer uğrunda mübarizə apara bilərdi?

    – Bir az çətin sual oldu. Hansısa oyunu götürsək, düşünürəm ki, “Qarabağ” istənilən türk klubuna qalib gələ bilər. Təbii ki, “Adana Demirspor”dan başqa (gülür). Amma hansı yer uğrunda mübarizə apara biləcəyini deyə bilmərəm.

    – Ötən tur “Kasımpaşa” ilə matçda meydana çıxmaqla yeni komandanızda debüt etdiniz. Təəssüratlarınızı bilmək maraqlı olardı...

    – Qapıçımız qırmızı vərəqə ilə meydandan qovulduğu üçün dərhal oyuna daxil oldum. Əslində danışılası xüsusi bir şey yoxdur. Təəssüratlar müsbət deyil. Çünki komandamız uduzdu. Heç vaxt şəxsi ambisiyalarımı komandadan üstün tutmamışam. Hətta meydana çıxmasaydım belə, fikirlərim dəyişməyəcəkdi. Çünki məğlub olduq.

    – Matçdan sonra baş məşqçi Patrik Klyuvertlə söhbətiniz oldu? Sizin çıxışınızdan razı qalıb?

    – Xeyr, heç kimlə belə bir danışığımız olmadı. Sadəcə, “afərin” dedilər, bu qədər.

    – “Adana Demirspor” klubu əcnəbi qapıçısı Qoran Karaçiçlə yollarını ayırdı. Yəqin ki, bu hadisə qolkiper kimi sizi sevindirdi. Artıq daha çox oynamaq şansı qazanacaqsınız...

    – Xeyr, bu xəbərə sevinmədim. Ümumiyyətlə, belə şeylərə fikir vermirəm. Hətta mən komandaya yeni gələndə Karaçiç düşərgədə deyildi. Birlikdə bir məşq belə keçmədik. Ona görə də bu ayrılıq məni nə sevindirir, nə də kədərləndirir.

    – “Qarabağ”ı “Adana Demispor”a dəyişməyi karyeranızda geriyə addım hesab etmirsiniz?

    – Əlbəttə, yox. Azərbaycan çempionatından Türkiyə Superliqasına keçidimi necə geri addım hesab edə bilərəm?

    – Mən sırf klubları nəzərdə tuturam...

    – Təbii ki, “Qarabağ” böyük klubdur. Bu komandada Qurban Qurbanov kimi baş məşqçi ilə işləmək, o cür futbolçularla oynamaq çox yaxşı idi. Amma hər zaman daha rəqabətli və güclü liqaya can atmaq lazımdır. Amma “Adana Demirspor”u zəif klub hesab etmirəm. Əksinə, Türkiyənin ən böyük komandalarından biridir.

    – Türkiyə Superliqasının reqlamentinə əsasən, üçüncü turdan təxirə salınmış matçda “Beşiktaş”a qarşı oynaya bilməyəcəksiniz. Buna görə məyussunuz?

    – Bəli, məyusam. Amma bunu əvvəldən bilirdim. Təqribən 10 gün əvvəl bu barədə mənə məlumat vermişdilər. Hətta “Kasımpaşa” ilə oyuna gedərkən “Beşiktaş”a qarşı oynamayacağımdan xəbərdar idim.

    – “Qarabağ”da çıxış edərkən avrokubok oyunları zamanı buraxdığınız səhvlərə görə çox tənqid olunurdunuz. Hətta Ağdam klubunun Çempionlar Liqasında qrupa düşə bilməməsində də sizi günahlandırırlar. Bu barədə nə deyə bilərsiniz?

    – İndi kimisə tənqid, təhqir etmək çox asanlaşıb. Sosial şəbəkələrdə paylaşım edirsən, özünə müəyyən kütlə toplayırsan. Amma bu, normal deyil. Çünki hər bir insan ağzından çıxan sözə görə məsuliyyət daşımalı və cavab verməlidir. Bu, tək bizdə deyil. Dünya futbolunda da oxşar vəziyyətdir. Məsələn, “Mançester Yunayted”in yeni qapıçısı Andre Onana ötən mövsüm Çempionlar Liqasının finalında oynayıb, İtaliya A Seriyasının qalibi olub. Mövsümün əvvəlidir, həm onun, həm də komandasının oyunu alınmır. İnsanlar sosial şəbəkələrdə qolkiperi təhqir edirlər. Halbuki cəmi 8-9 oyun keçirib. Düşünürəm ki, “Qarabağ”ın Çempionlar Liqasından mənə görə kənarda qaldığını deyənlər futbolu yaxşı bilmirlər. Polşa “Rakuv”unun qapıçısı bizimlə oyunlarda əla çıxış etdi. Amma pley-off mərhələsinin matçlarında gözlənilməz qollar buraxdı. Hətta qolun birini təqribən meydanın mərkəzindən vurdular. Onda belə çıxır ki, “Rakuv” qapıçısına görə qrupa düşə bilmədi? Məncə, belə deyil. Hətta deyərdim ki, “Rakuv” məhz onun sayəsində pley-offa yüksəldi. Tənqid edən insanlar yalnız mənfi cəhətləri görürlər. Çoxdandır belə şeylərə fikir vermirəm. Futboldan başı çıxan insanlar bizim necə əziyyət çəkdiyimizi, çalışdığımızı bilirlər. Heç kim deyə bilməz ki, Şahruddin “Qarabağ”da az məşq edirdi, nəyisə düz etmirdi. Bu mövsüm Çempionlar Liqasında qrupa düşməyimizi daha çox istəyirdim. Amma Allahın öz planı olur. Nə baş verirsə, hamısı yaxşıya doğru olur.

    – Yığmadan komanda yoldaşınız Renat Dadaşov da Türkiyədə çıxış edir. Bu yaxınlarda “Hatayspor”a keçən futbolçu ilə görüşə bilirsiniz?

    – Əslində Türkiyəyə millinin düşərgəsindən birlikdə gəlmişdik. Amma hələ görüşmək imkanımız olmayıb. Çünki vaxt yoxdur. Demək olar ki, hər gün məşqimiz olur. Onlar hazırda İstanbulda məskunlaşıblar. Düşünürəm ki, Mersinə gəldikdən sonra tez-tez görüşə biləcəyik. Onun adına da çox sevinirəm. Sonda fürsətdən istifadə edib Azərbaycan xalqını təbrik etmək istəyirəm. Şükürlər olsun, ölkəmiz Qarabağda suverenliyini tam bərpa etdi.

    Top oyunları

    "Məqsədimiz bu sindromu qırıb zirvəyə yüksəlməkdir" - "Sumqayıt"ın hücumçusu

    20.11.2026 15:15:51
    Cüdo

    "1 qızıl və 1 bürünc medal super nəticədir" - Fərhad Rəcəbli

    18.11.2026 17:13:52
    Müsahibə

    "Oğluma demişəm ki, mən etdiyim səhvləri sən etmə" – Ömər Rəcəblinin atası

    16.11.2026 09:40:05
    Cüdo

    “İndiyədək bu inamsızlığa görə medalsız qalmışdım” – 3 il sonra yer tutan Gültac Məmmədəliyeva

    14.11.2026 20:20:30
    Müsahibə

    "Qarabağ"dan ayrılmağı düşünürdüm" - Aleksey Kaşşuk

    13.11.2026 17:43:45
    Top oyunları

    "Faiq Qarayev dedi ki, çox üzrlü hesab et" – Ziya Rəcəbov

    11.11.2026 14:40:35
    Sosial şəbəkələr
    XƏBƏR LENTİ

    Renat oynadı, komandası qələbə qazandı

    22.11.2026 23:01:45

    Gəncədə mövsümün tamaşaçı rekordu yeniləndi

    22.11.2026 21:58:18

    ABL: "Neftçi" və "Sabah"ın liderliyi davam edir

    22.11.2026 20:52:35

    "Azarkeşlərimiz avrokubok xəyalı qura bilər" – Azər Məmmədov

    22.11.2026 20:49:31

    "Gəncədəki atmosfer avrokubok matçını xatırladırdı" – Qurban Qurbanov

    22.11.2026 20:25:55

    "İmişli" Ervins Perkonsu rəsmən baş məşqçi postuna təsdiqlədi

    22.11.2026 19:42:50

    II Liqa: Lider Şirvanda da büdrəmədi

    22.11.2026 19:01:17

    Premyer Liqa: Turun bağlanış oyununda qol olmadı - VİDEO

    22.11.2026 18:56:04

    Azərbaycanlı hakim-inspektor Çempionlar Liqasına təyinat aldı

    22.11.2026 18:13:33

    "Ağadadaş Salyanski "Neftçi"yə qarşı oynaya bilməz" – Yuri Maksimov

    22.11.2026 17:49:41

    "Bu, sanki bal çəlləyinə acı dad qatmaq kimi oldu" – Yuri Vernidub

    22.11.2026 17:30:32

    "Kəpəz" rəhbərliyi veteran futbolçuyla görüşüb

    22.11.2026 17:07:40

    "Neftçi" 3 xalı 3 qolla qazandı – VİDEO

    22.11.2026 16:42:42

    "Kəpəz" - "Qarabağ" - HEYƏTLƏR

    22.11.2026 16:34:09

    "Barselona"nı Bakıda 650 azarkeş dəstəkləyəcək

    22.11.2026 15:42:21
    MERIMAG
    ProSport.Az saytı müstəqil idman media qurumudur. Veb-sayt ölkə idman hadisələrindən özəl yazılar, Azərbaycan idmanının tanınmış simaları ilə müsahibələr yayımlamaq üçün yaradılıb
    © Copyright 2022, All Rights Reserved