Azərbaycan Premyer Liqasının XII turunda "Kəpəz" Gəncə stadionunda "Qarabağ"ı qəbul edib.
Prosport.Az xəbər verir ki, qarşılıqlı hücumlar şəraitində keçən görüşdə hesab açılmayıb.
Matçda cari mövsümün azarkeş rekordu qırılıb və qarşılaşmanı tribunadan 16 minə yaxın azarkeş izləyib.
"Qarabağ" 20 xalla turnir cədvəlinin 4-cü pilləsində qərarlaşıb. "Kəpəz" isə 18 xalla 6-cıdır.
Xatırladaq ki, XII turun əvvəlki oyunlarında "İmişli" "Zirə" ilə 2:2 hesablı heç-heçəyə razılaşıb. "Sabah" səfərdə "Sumqayıt"ı (5:1), "Turan Tovuz" "Şamaxı"nı (2:0), "Qəbələ" "Şəfa"nı (2:0), "Neftçi" isə "Araz-Naxçıvan"ı (3:1) məğlub edib.
