Azərbaycan Peşəkar Boks Federasiyasına (APBF) baş katib təyin olunub.
Prosport.Az-ın xəbərinə görə, bu, Vidadi Quliyevdir.
Vidadi Quliyev bunadək Milli Paralimpiya Komitəsində idman üzrə məsləhətçi vəzifəsində çalışıb. O daha əvvəl "Təhsil" Respublika İdman Mərkəzində şöbə müdiri vəzifəsində də işləyib.
Qeyd edək ki, ötən ayın 12-də Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Vüsal Nəsirli APBF-nın prezidenti seçilib. AAYDA sədrinin müavini Tural Mailov və Əməkdar məşqçi, tanınmış boks mütəxəssisi İlkin Ağayev vitse-prezident vəzifəsini icra etməyə başlayıb.
Xatırladaq ki, APBF sentyabrın 28-də Gənclər və İdman Nazirliyi Kollegiyası tərəfindən qeyri-olimpiya respublika idman federasiyası kimi tanınıb.
