NTD komandasının baş məşqçisi Tahir Baxşıyev "Ordu"ya 102-71 hesabı ilə uduzduqları qarşılaşmadan sonra oyunla bağlı fikirlərini bildirib.

Prosport.Az xəbər verir ki, mütəxəssis komandasının çıxışını zəif qiymətləndirib:

“Bu gün çox pis oynadıq. Oyunun bütün komponentlərində zəif çıxış etdik. Nə müdafiədə, nə də hücumda komanda oyunu göstərə bildik. Halbuki həftə ərzində məşqlərdə yaxşı çalışmışdıq. Oyuna da pis başlamadıq. İlk dəqiqələrdə tempimiz yaxşı idi, mübarizə aparırdıq. Ancaq 5-6 dəqiqədən sonra bu tempi qoruya bilmədik.

Hazırda əsas problemimiz oyunqurucu mövqeyi ilə bağlıdır. Maqsud Hümmətov əlindən gələni edir. Oğuzxan Quliyev isə zədəlidir. Buna görə də rotasiya etməkdə çətinlik çəkirik.

Qarşıda bizi çox iş gözləyir. Məşqlərdə daha çox çalışmalı və səhvlərimizi aradan qaldırmalıyıq. “Ordu”nu qələbə münasibətilə təbrik edirəm. Xüsusilə də Polad Həsənovu təbrik etmək istəyirəm”.