“Sabah”ın futbolçusu Coy-Lens Mikels karyerasını Almaniya Bundesliqasında davam etdirə bilər.

Prosport.Az “Sky Sports”a istinadən xəbər verir ki, Almaniyada doğulmuş ruandalı vinger Münhenqladbax “Borussiya”sına keçməyi arzulayır. Mikels yanvardan sonra klubunu dəyişmək fikrindədir.

32 yaşlı hücumçunun Azərbaycan çempionu ilə müqaviləsi 2028-ci ilin yayına kimidir. Xəbərdə qeyd olunub ki, Mikels ilə klub arasındakı şifahi razılaşmaya görə, 400-500 min avroluq təklif gəlsə, onun gedişinə icazə veriləcək.

Ruanda millisinin üzvü olan Coy-Lens Mikels carri mövsümdə “Sabah”ın heyətində meydana çıxdığı 18 rəsmi matçda 10 qol və 1 məhsuldar ötürmə ilə yadda qalıb.