“Sabah” Basketbol Klubu Azərbaycan milli komandasının üzvü Orhan Aydın ilə 1 illik müqavilə imzalayıb.

Prosport.Az xəbər verir ki, 1 oktyabr 1989-cu ildə Bakıda anadan olan, 203 sm boya malik basketbolçu uzun forvard mövqeyində çıxış edir. Azərbaycan millisinin formasını geyinən həm milli komanda səviyyəsində, həm də Türkiyə basketbolunda topladığı təcrübə ilə seçilir.

Peşəkar karyerası ərzində Türkiyənin “Darüşşafaka”, “Türk Telekom”, “Aliağa Petkim”, “Uşak Sportif”, “Acıbadem Üniversitesi”, “Qalatasaray”, “Qaziantep Basketbol” və “Yalovaspor” klublarında çıxış edən basketbolçu son olaraq “Mersin Spor”a keçməzdən əvvəl “Bandırma Bordo”nun heyətində yer alıb.