Sabah Qazaxıstanın Astana şəhərində güləş üzrə dünya çempionatı start götürəcək.

Prosport.Az xəbər verir ki, ilk günlərdə yunan-Roma güləşçiləri mübarizə aparacaqlar.

Azərbaycan təmsilçilərinin ilk rəqibləri müəyyənləşib. Eldəniz Əzizli (55 kq), Həsrət Cəfərov (67 kq), Ülvi Qənizadə (72 kq) və Qurban Qurbanov (82 kq) ilk mərhələdən azaddırlar.

Digər güləşçilərdən Murad Məmmədov (60 kq) türkiyəli Ənəs Başar, Nihat Məmmədli (63 kq) amerikalı Xavyer Conson, Sənan Süleymanov (77 kq) yaponiyalı İsami Xorikita, İslam Abbasov (87 kq) türkiyəli Əli Cengiz, Murad Əhmədiyev (97 kq)  cənubi koreyalı Çon Bin Kvon, Sərxan Məmmədov (130) isə braziliyalı Gilyerme Evangelista Diasla qarşılaşacaq.