Azərbaycan Premyer Liqasının VII turunda "Zirə" evdə "Şamaxı" ilə heç-heçə edib.

Prosport.Az xəbər verir ki, Zirə İdman Kompleksinin stadionunda baş tutan görüş 1:1 hesabı ilə bitib.

"Zirə" hazırda turnir cədvəlində 11 xalla 5-ci pillədə yer alıb. 10 xala malik "Şamaxı" isə 7-cidir.

Günün son matçında "Qəbələ" səfərdə "Sumqayıt"la qarşılaşacaq.

Xatırladaq ki, turun ötən gün baş tutan matçlarında "Kəpəz" "Araz-Naxçıvan"ı (2:0) məğlub edib. "Neftçi" - "Sabah" matçı isə qolsuz bərabərliklə başa çatıb.