İtaliyanın Battipaqlia şəhərində keçirilən çimərlik voleybolu üzrə U-20 Avropa çempionatı davam edir.

Prosport.Az xəbər verir ki, Azərbaycanın oğlanlardan ibarət komandası bu gün 2 oyun keçirib.

İbrahim Məmmədov/Muhamməd Aslanlı cütlüyü əvvəlcə son dünya çempionu Norveç təmsilçiləri ilə qarşılaşıb. Görüş rəqibin 2:1 (19:21, 21:14, 15:9) hesablı qələbəsi ilə yekunlaşıb.

Azərbaycan komandası daha sonra İngiltərə təmsilçiləri ilə üz-üzə gəlib. Qarşılaşmada rəqib 2:0 (21:14, 21:18) hesabı ilə qalib gəlib.

Məğlubiyyətlərə baxmayaraq, İbrahim Məmmədov/Muhamməd Aslanlı cütlüyü "24-lüy"ə düşərək növbəti mərhələyə vəsiqə qazanıb.

Azərbaycan komandası sabah pley-off mərhələsində Polşa təmsilçisi ilə qarşılaşacaq.

Qeyd edək ki, çempionatda 33 ölkədən ümumilikdə 40 komanda iştirak edir.