Azərbaycanın qadın voleybol millisi Avropa çempionatında növbəti qələbəsini qazanıb.

Prosport.Az xəbər verir ki, Faiq Qarayevin baş məşqçisi olduğu komanda C qrupunun II turunda İspaniya yığması ilə qarşılaşıb.

Milli Gimnastika Arenasında keçirilən görüş Azərbaycan millisinin 3:0 hesablı qələbəsi ilə başa çatıb. Yığmamız setlərdə 25:16, 25:22 və 25:14 hesabları ilə üstün olub. Komandamız bu qələbədən sonra xallarını 6-ya yüksəldib və qrup liderliyini qoruyub.

Qeyd edək ki, Azərbaycan millisi ilk turda da Portuqaliyanı 3:0 hesabı ilə üstələyib.6 xalla C qrupuna başçılıq edən komandamız, böyük ehtimalla, növbəti mərhələyə vəsiqəni təmin edib.

C qrupunun oyunları avqustun 28-dək Bakıda keçiriləcək.