Qadın voleybolçulardan ibarət Azərbaycan millisi Bakının da ev sahibliyi etdiyi Avropa çempionatında mübarizəyə başlayıb.

Prosport.Az xəbər verir ki, Faiq Qarayevin başçılıq etdiyi yığma C qrupunun ilk oyununda Portuqaliya ilə qarşılaşıb.

Milli Gimnastika Arenasında təşkil olunan görüş milli komandamızın 3:1 (25:22, 23:25, 27:25, 25:20) hesablı qələbəsi ilə yekunlaşıb.

Azərbaycan millisi qrupda növbəti görüşünü avqustun 23-də eyni məkanda İspaniya seçməsinə qarşı keçirəcək.

Qeyd edək ki, C qrupunda Azərbaycan və Portuqaliya yığmaları ilə yanaşı, Niderland, İspaniya, Belçika və Rumıniya komandaları da mübarizə aparır. Qrup matçlarına avqustun 28-də yekun vurulacaq.