Azərbaycanın qadın voleybolçulardan ibarət millisi Avropa çempionatına hazırlıq çərçivəsində sonuncu yoxlama oyunlarını keçirib.

Prosport.Az xəbər verir ki, komanda Bakıda təlim-məşq toplanışında olan Belarus yığması ilə 2 dəfə qarşılaşıb.

Milli Gimnastika Arenasında baş tutan hər iki görüş Azərbaycan millisinin 3:1 hesablı qələbəsi ilə yekunlaşıb.

Qeyd edək ki, Faiq Qarayevin baş məşqçisi olduğu kollektiv Avropa çempionatına hazırlıq çərçivəsində daha əvvəl Yunanıstan və Latviya yığmalarının hər biri ilə 2 yoxlama oyunu keçirib və bütün görüşlərdə qələbə qazanıb.