Avropa Liqasında mübarizə aparan qadın voleybolçulardan ibarət Azərbaycan milli komandası Bakıda keçirilən ilk mərhələnin son oyununa çıxıb.

Prosport.Az xəbər verir ki, millimiz GİN-in Voleybol Mərkəzində baş tutan qarşılaşmada Estoniya yığması ilə üz-üzə gəlib. Oyun komandamızın 3:0 hesablı qələbəsi ilə yekunlaşıb.

Beləliklə, yığmamız bu mərhələni 1 qələbə (Azərbaycan – Estoniya 3:0) və 1 məğlubiyyətlə (İsveç – Azərbaycan 3:0) başa vurub.

Qeyd edək ki, Avropa Liqasının ikinci mərhələsinin oyunları 12-14 iyun tarixlərində İspaniyada keçiriləcək. Azərbaycan millisi bu mərhələdə ev sahibi İspaniya və Şimali Makedoniya yığmaları ilə qarşılaşacaq.

Avropa Liqası (qadınlar)

Azərbaycan – Estoniya 3:0 (25:15, 25:14, 25:20)