Bu gün Paris Olimpiadasının bağlanış mərasimində Ukraynanı təmsil edən azərbaycanlı yunan-Roma güləşçisi Pərviz Nəsibov da yer alacaq.

Prosport.Az-ın xəbərinə görə, ikiqat olimpiya finalçısı Pərviz Nəsibov və kanoe üzrə ikiqat olimpiya mükafatçısı, üçqat dünya və üçqat Avropa çempionu Lyudmila Luzan Ukraynanın bayraqdarları olacaq.

Qeyd edək ki, Bakı vaxtı ilə saat 23:00-da başlayacaq bağlanış mərasimində Azərbaycanın bayraqdarları taekvondoçu Həşim Məhəmmədov və bədii gimnast Zeynəb Hümmətova olacaq.