Almaniyanın Heydelberq şəhərində keçirilən paracüdo üzrə Avropa çempionatında Azərbaycan idmançısı İlham Zəkiyev qızıl medal qazanıb.

Prosport.Az xəbər verir ki, J1, +95 kq çəki dərəcəsində mübarizə aparan Zəkiyev yarımfinalda Böyük Britaniya təmsilçisi Daniel English-i ipponla məğlub edərək finala yüksəlib.

Həlledici görüşdə isə İspaniya təmsilçisi Garros Suarez üzərində ipponla qalib gələn Azərbaycan paracüdoçusu Avropa çempionu tituluna sahib olub.

Beləliklə, İlham Zəkiyev karyerasında 10-cu dəfə Avropa çempionu adını qazanıb.

Qeyd edək ki, Azərbaycan yığmasının digər üzvləri Saleh Sultanov (J1, -81 kq) və Dürsədəf Kərimova (J2, +70 kq) da yarışda bürünc medal əldə ediblər.