Azərbaycanın sərbəst güləşçisi Hacı Əliyev Fransanın paytaxtı Parisdə təşkil olunan Yay Olimpiya Oyunlarında ikinci görüşünü keçirib.

Prosport.Az xəbər verir ki, 65 kq çəki dərəcəsində yarışan üçqat dünya və dördqat Avropa çempionu 1/4 finalda Macarıstan təmsilçisi İsmail Musukayevlə mübarizə aparıb.

Əliyev rəqibinə 3:10 hesabı ilə məğlub olub. Buna baxmayaraq Hacı medal şansını saxlayır. Belə ki, Musukayev finala vəsiqə qazanacağı təqdirdə idmançımız 3-cü yer uğrunda yarışmaq şansı əldə edəcək.

Məhəmmədxan Məhəmmədov isə polşalı Mateuş Baranovskini 7:2 hesablı ilə üstələyərək yarımfinala adlayıb.

Qeyd edək ki, Paris-2024 avqustun 11-də başa çatacaq.

14:20

Azərbaycanın sərbəst güləşçisi Hacı Əliyev Fransanın paytaxtı Parisdə təşkil olunan Yay Olimpiya Oyunlarında mübarizəyə start verib.

Prosport.Az xəbər verir ki, 65 kq çəki dərəcəsində yarışan, üçqat dünya və dördqat Avropa çempionu olan Əliyev meksikalı Ostin Qomeslə üz-üzə gəlib.

Görüş təmsilçimizin 7:0 hesablı qələbəsi ilə yekunlaşıb. H.Əliyev 1/4 finalda Macarıstan təmsilçisi İsmail Musukayevlə mübarizə aparacaq.

Qeyd edək ki, Paris-2024 avqustun 11-də başa çatacaq.

13:37

Azərbaycanın sərbəst güləşçisi Məhəmmədxan Məhəmmədov Fransanın paytaxtı Parisdə təşkil olunan Yay Olimpiya Oyunlarında mübarizəyə start verib.

Prosport.Az xəbər verir ki, 97 kq çəki dərəcəsində yer alan idmançı 1/8 finalda Dominikan Respublikasından olan Luis Migel Pereslə üz-üzə gəlib.

Görüş təmsilçimizin 9:0 hesablı qələbəsi ilə başa çatıb. Məhəmmədov 1/4 finalda polşalı Mateuş Baranovski ilə qarşılaşacaq.

Qeyd edək ki, Paris-2024 avqustun 11-də başa çatacaq.