Azərbaycanın daha bir idmançısı "Paris-2024" Yay Olimpiya Oyunlarında mübarizəyə başlayıb.

Prosport.Az xəbər verir ki, çəkicatma üzrə yarışda Anna Skidan təsnifat mərhələsində çıxış edib. Atletimiz 72,55 metr nəticə ilə A qrupunda 3-ü, ümumi sıralamada isə 6-cı yeri tutaraq final mərhələsinə vəsiqə qazanıb.

Final mərhələsi avqustun 6-da olacaq.

Qeyd edək ki, hazırda Azərbaycanın aktivində 3 medal var. Cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olub, boksçu Loren Alfonso isə yarımfinala vəsiqə qazanmaqla ən azı bürünc mükafatı təmin edib.