"Məqsədim qarşıdakı Olimpiadaya vəsiqə qazanmaqdır".

Prosport.Az xəbər verir ki, bunu batut gimnastikası üzrə Azərbaycan millisinin üzvü Selcan Mahsudova Fransanın paytaxtı Parisdə keçirilən Yay Olimpiya Oyunlarındakı çıxışını dəyərləndirərkən deyib.

20 yaşlı idmançı yarışda ona dəstək olan hər kəsə öz təşəkkürünü bildirib: "Məni dəstələyən hər kəsə öz təşəkkürümü bildirirəm. Ailəm, yaxınlarım və dostlarım məni izləyib, dəstəkləyirdilər. Bu mənim ilk Olimpiadam idi. Azərbaycana batut gimnastikası növündə ilk olimpiya lisenziyasını qazandırdım. Öz çıxışımdan tam razı qalmadım. Məqsədim qarşıdakı Olimpiadaya vəsiqə qazanmaqdır. Ümid edirəm ki, gələcəkdə daha yaxşı çıxış edəcəyəm".

Qeyd edək ki, Selcan Mahsudova batut gimnastikası yarışlarında 16 iştirakçı arasında 10-cu yeri tutaraq mübarizəni dayandırıb.