Azərbaycan taekvondoçusu Həşim Məhəmmədov Fransada keçirilən Yay Olimpiya Oyunları üçün Parisə yollanıb.

Prosport.Az xəbər verir ki, onunla birlikdə yığmanın baş məşqçisi Məmməd Abdullayev və partnyoru Əliəskər Əliyev də sözügedən şəhərə yola düşüb.

Həşim Məhəmmədov 58 kq çəki dərəcəsində mübarizə aparacaq. Taekvondo yarışlarına avqustun 7-də start veriləcək.

Qeyd edək ki, Paris-2024 avqustun 11-də başa çatacaq. Azərbaycan təmsilçilərindən cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olub. Boksçu Loren Alfonso (92 kq) yarımfinala vəsiqə qazanmaqla ən azı bürünc medalı təmin edib.