Millimizin baş məşqçisi Canni De Byazi "Qarabağ"ın futbolçusu Riçard Almeyda ilə əlaqə saxlayıb.

Prosport.Az-ın məlumatına əsasən, italiyalı mütəxəssis yığma karyerasını başa vurmuş braziliyalı futbolçuya ehtiyacı olduğunu və qərarını seçmə mərhələnin sonuna qədər uzatmağı xahiş edib.

Lakin Almeyda millidə gənclərə yol açılması və diqqətini daha çox "Qarabağ"a ayırmaq üçün bu qərarı verdiyini bildirib.

Qeyd edək ki, 34 yaşlı yarımmüdafiəçi ötən ay millidən ayrıldığını açıqlayıb.