"Araz-Naxçıvan" futzal klubunun yeni prezidentinin adına aydınlıq gəlib.

Prosport.Az-ın xəbərinə görə, bu vəzifəyə Mahmud Sadıqov təyin olunub.

O bu klubda daha əvvəl vitse-prezident postunda işləyib. Mahmud Sadıqov həmçinin artıq fəaliyyətini dayandırmış Azərbaycan Futzal Federasiyasının İdarə Heyətinin üzvü və baş katibi də olub.

Qeyd edək ki, "Araz-Naxçıvan"ın bunadək rəsmi sənəddə prezidenti "RR Caspi” MMC-nin təsisçisi və faktiki rəhbəri Ramin Axundov olub. O, sabiq Futzal Federasiyasının prezidenti Zaur Axundovun qardaşıdır. R.Axundov külli miqdarda siqaret qaçaqmalçılığı ilə aparılan cinayət işinə görə ötən ilin dekabrından beynəlxalq axtarışdadır. Bu səbəbdən də onun prezidenti olduğu "Araz-Naxçıvan" futbol və futzal klublarının maliyyə durumunda problem yaranıb. Futbol klubunda bu vəzifəyə iyunun 25-də millimizin sabiq futbolçusu, futbol meneceri Ceyhun Sultanov təyin olunub.