AFFA-da Kütləvi Futbol Departamentinin şöbə müdirini adı bilinib.

Prosport.Az-ın xəbərinə görə, Futbol Layihələri şöbəsinin müdiri vəzifəsinə Fərid Nağdəliyev təyin olunub.

Fərid Nağdəliyevin cəmi 27 yaşı var. O bunadək AFFA-da 2021-ci ildən könüllülərlə işləyib. AFFA-nın Bakı Futbol Federasiyası ilə birgə təşkilatçısı olduğu "Sabahın Ulduzları" turnirində də könüllülərin cəlb olunması onun əməyinin nəticəsidir. Həmçinin, Bakı Şəhər Halqasının təşkilatçısı olduğu "Formula-1" üzrə Azərbaycan Qran-prisində iş təcrübəsinə malikdir.

Qeyd edək ki, AFFA-nın Kütləvi Futbol Departamentinin əsas məqsədi ölkədə futbolun kütləviliyini artırmaq, idmanın bu növünü cəmiyyətin bütün təbəqələri üçün əlçatan etmək və Azərbaycanda kompleks şəkildə futbol mədəniyyətini inkişaf etdirməkdir. Qurum peşəkar futboldan kənarda qalan həvəskar, uşaq və sosial qrupları əhatə edən "Grassroots" proqramlarını idarə edir.

Departamentə 2020-ci ildən ötən ayadək millimizin sabiq futbolçusu Fərrux İsmayılov rəhbərlik edib. Hazırda bu post boşdur.