8-18 iyun tarixlərində Kubanın paytaxtı Havanada Beynəlxalq Ağırlıqqaldırma Federasiyasının Qran Pri yarışı keçiriləcək.

Prosport.Az xəbər verir ki, Paris 2024 Olimpiya Oyunlarına lisenziya xarakterli turnirdə 72 ölkədən 409 atletin iştirak edəcəyi gözlənilir.

Yarışda Azərbaycan yığmasının 3 üzvü də körpücük üzərinə çıxacaq. Həmin idmançılar bunlardır: Ömər Cavadov (73 kq), Əli Şükürlü və Dadaş Dadaşbəyli (hər ikisi 102 kq).