2024-cü il idman yarışları ilə zəngin il olacaq. Belə ki, 26 iyul – 11 avqust tarixlərində Fransanın paytaxtı Parisdə XXXIII Yay Olimpiya Oyunları keçiriləcək.
Deməli, həmin yarışa vəsiqə qazanmaq üçün idmançılarımız son şanslarından istifadə etməli olacaq. Prosport.Az bu baxımdan 2024-cü ildə Azərbaycan idmançılarının iştirak edəcəyi vacib yarışların siyahısını təqdim edir.
12-20 fevral. Ağırlıqqaldırma üzrə Avropa çempionatı (Sofiya, Bolqarıstan)
16-18 fevral. Cüdo üzrə "Böyük Dəbilqə" turniri (BAKI, AZƏRBAYCAN)
24 fevral – 3 mart. 10 metr məsafəyə güllə atıcılığı üzrə Avropa çempionatı (Dyör, Macarıstan)
29 fevral – 12 mart. Boks üzrə 1-ci lisenziya turniri (Busto Arsitsyo, İtaliya)
9-10 mart. Taekvondo üzrə Avropa lisenziya turniri (Sofiya, Bolqarıstan)
2-11 aprel. Ağırlıqqaldırma üzrə Dünya Kuboku (Puket, Tailand)
4-7 aprel. Güləş üzrə Avropa lisenziya turniri (BAKI, AZƏRBAYCAN)
8-14 aprel. Badminton üzrə Avropa çempionatı (Zaarbrükken, Almaniya)
11-19 aprel. Güllə atıcılığı üzrə dünya lisenziya turniri (Rio-de-Janeyro, Braziliya)
17-18 aprel. 3x3 basketbolu üzrə universal 1-ci lisenziya turniri (İsraildə müharibə getdiyindən, yeni məkanı müəyyənləşməyib)
22-30 aprel. Stend atıcılığı üzrə dünya lisenziya turniri (Doha, Qətər)
24-28 aprel. Kişi idman gimnastikası üzrə Avropa çempionatı (Rimini, İtaliya)
25-28 aprel. Cüdo üzrə Avropa çempionatı (Zaqreb, Xorvatiya)
25-28 aprel. Avarçəkmə üzrə Avropa lisenziya reqatası/Avropa çempionatı (Seqed, Macarıstan)
26-28 aprel. Qılıncoynatma üzrə Avropa lisenziya turniri (Diferdanj, Lüksemburq)
2-5 may. Qadın idman gimnastikası üzrə Avropa çempionatı (Rimini, İtaliya)
3-12 may. Oxatma üzrə Avropa lisenziya turniri/Avropa çempionatı (Esen, Almaniya)
9-12 may. Güləş üzrə dünya lisenziya turniri (İstanbul, Türkiyə)
15-27 may. Stend atıcılığı üzrə Avropa çempionatı (Lonato del Qarda, İtaliya)
19-21 may. Avarçəkmə üzrə final təsnifat reqatası (Lutsern, İsveçrə)
19-24 may. Cüdo üzrə dünya çempionatı (Əbu-Dabi, BƏƏ)
22-26 may. Bədii gimnastika üzrə Avropa çempionatı (Budapeşt, Macarıstan)
23-26 may. 3x3 basketbolu üzrə olimpiya lisenziya turniri (Debretsen, Macarıstan)
23 may – 3 iyun. Boks üzrə 2-ci lisenziya turniri (Banqkok, Tailand)
23 may – 9 iyun. 25/50 metr məsafəyə güllə atıcılığı üzrə Avropa çempionatı (Osiyek, Xorvatiya)
7-12 iyun. Atletika üzrə Avropa çempionatı (Roma, İtaliya)
15-16 iyun. Oxatma üzrə final komanda/fərdi lisenziya turniri (Antalya, Türkiyə)
Qeyd edək ki, cüdoda Beynəlxalq Cüdo Federasiyasının (IJF) müəyyən etdiyi lisenziya xalları verən yarışlar (Portuqaliya, Avstriya, Düşənbə Qran-priləri, Paris, Bakı, Daşkənd, Tbilisi, Antalya, Qazaxıstan Barışı "Böyük Dəbilqə" turnirləri, Avropa və dünya çempionatları) iyunun 23-dək keçiriləcək və İJF 25 iyunda hər çəki dərəcəsi üzrə reytinq siyahısında olan ilk 17 idmançının adını açıqlayacaq.
Həmçinin bir neçə yarış olacaq ki, bu mötəbər turnirlərin Olimpiadaya lisenziya baxımından rolu olmayacaq. Həmin turnirlər sadəcə, Avropa çempionu titulu baxımından önəm daşıyacaq. Həmin 4 turnir bunlardır:
12-18 fevral. Güləş üzrə Avropa çempionatı (Buxarest, Rumıniya)
15-29 aprel. Boks üzrə Avropa çempionatı (Belqrad, Serbiya)
10-12 may. Taekvondo üzrə Avropa çempionatı (Belqrad, Serbiya)
18-23 iyun. Qılıncoynatma üzrə Avropa çempionatı (Bazel, İsveçrə)
Xatırladaq ki, Azərbaycan indiyədək 9 lisenziyanı rəsmiləşdirib. Atletikada çəkicatan Anna Skidan dünya çempionatında 74 metrlik məsafə limitini aşdığına görə, boksda Murad Allahverdiyev (80 kq) və Məhəmməd Abdullayev (+92 kq) III Avropa Oyunlarında müvafiq olaraq yarımfinala və finala çıxmaqla, bədii gimnastikada Azərbaycan dünya çempionatında ilk "15-liy"ə düşməklə, güllə atıcısı Ruslan Lunyov Estoniyanın paytaxtı Tallində keçirilmiş Avropa çempionatında 10 metr məsafəyə pnevmatik tapançadan atəşaçmada gümüş medal qazanmaqla, taekvondoda Həşim Məhəmmədov (58 kq) "Böyük Dəbilqə" Seriyası reytinqi vasitəsilə, sərbəst güləşdə Məhəmmədxan Məhəmmədov (97 kq) və yunan-Roma güləşində Həsrət Cəfərovla (67 kq) Sənan Süleymanov (77 kq) dünya çempionatında ilk 5 idmançı arasına düşməklə Olimpiadaya lisenziya qazanıb.