Azərbaycan Premyer Liqasında IX turun daha bir oyunu keçirilib.

Prosport.Az xəbər verir ki, günün 2-ci oyununda "Zirə" "Sumqayıt"ı qəbul edib.

Qarşılaşma "qartallar"ın qələbəsi ilə yekunlaşıb - 3:2.

Bakı klubunun qollarını 8-ci dəqiqədə penaltidən Ruan Renato, 21-ci dəqiqədə Rikardo Martins, 83-cü dəqiqədə Davit Volkovi vurublar.

"Gənclik şəhəri" təmsilçisində Nihad Əhmədzadə 39-cu, Keffel Resende 56-cı dəqiqədə fərqlənib.

Xallarının sayını 15-ə çatdıran "Zirə" 4-cü pilləyə yüksəlib. "Sumqayıt" 8 xalla 8-ci sıradadır.

Günün ilk görüşündə "Qəbələ" səfərdə "Araz-Naxçıvan"ı məğlub edib -2:1.

Xatırladaq ki, tura oktyabrın 25-də yekun vurulacaq.