Azərbaycanlı MMA döyüşçüsü “The Ultimate Fighter” (TUF) realiti-şousunun 34-cü mövsümünün final qarşıdurmasından gözləntilərini bölüşüb.

Prosport.Az xəbər verir ki, döyüşçü layihənin həlledici görüşündə Qırğızıstan təmsilçisi İlimbek İlimbek Akılbekov ilə üz-üzə gələcək. Qarşılaşmanın qalibi UFC ilə müqavilə əldə edəcək.

Osmanlı Artyom Belax və Kristian Stronq üzərində qələbə qazanaraq TUF 34-ün finalına yüksəlib. Döyüşçünün sözlərinə görə, o, növbəti rəqibini birgə sınaq döyüşlərindən yaxşı tanıyır.

“Sınaq döyüşlərində onu hər dəfə döyürdüm. Düşünürəm ki, döyüşü elə 1-ci raundda bitirəcəyəm. Bu çətin döyüş deyil, mənim bundan da ağır rəqiblərim olub. Belax və Stronqa qarşı daha çətin idi”, - Osmanlı sport24.ru saytına müsahibəsində bildirib.

Azərbaycanlı döyüşçü elə ilk raundda vaxtından əvvəl qələbə qazanacağına ümid edir.

“1-ci raundda finiş. Onun kardiosu yoxdur! O, tutmağa can atacaq, lakin mən buna imkan verməyəcəyəm. Mən onu çırpacağam, onun üzünü darmadağın etmək istəyirəm. O, hörmətsizlik etdi və məni zədələməyə çalışdı. Bunun əvəzini çıxmaq istəyirəm.

Mən onun əlini sıxmayacağam. Başqa rəqib olsaydı - problem yoxdur. İlimbek xain adamdır. Yaxşı insan olsaydı, yola gedərdik”, - Osmanlı qeyd edib.