Bakı bu il daha bir dünya çempionatına ev sahibliyi edəcək.

Prosport.Az-ın xəbərinə görə, Dünya Güləş Birliyi (UWW) Bakıda 23-29 noyabrda qrapplinq, həvəskar MMA və pankration üzrə dünya çempionatı təşkil edəcək.

İlk dəfə bu 3 idman növü bir dünya çempionatında təmsil olunacaq. Ötən il qrapplinq üzrə dünya çempionatı ancaq böyüklər səviyyəsində ayrıca keçirilsə də, U-15, U-17 və U-20 kateqoriyaları üzrə yarış da Bakıda baş tutacaq.

Həmçinin, Bakıdakı dünya çempionatında pankrationda U-15 və U-17, həvəskar MMA-da isə U-20 və böyüklər kateqoriyası üzrə mübarizə olacaq. Çempionatdan əvvəl UWW qrapplinq, pankration və həvəskar MMA üzrə hakimlər üçün seminar da keçirəcək.

Qeyd edək ki, bu, UWW-nin bu il Bakıya saldığı sayca 5-ci yarışdır. Daha öncə 27 iyul - 2 avqust tarixlərində paytaxtımızda güləş üzrə U-17 dünya çempionatı keçirilib. 22-23 avqustda qazax güləşi üzrə dünya çempionatı, 27 avqustda çimərlik güləşi üzrə U-17 dünya çempionatı və 28-29 avqustda çimərlik güləşi üzrə dünya seriyası turniri də məhz Azərbaycanda təşkil olunacaq.

Ümumiyyətlə, bu, 2026-cı ildə Bakıda keçiriləcək sayca 7-ci dünya çempionatı olacaq. Bu il Bakıda U-15 futbol üzrə, eləcə də cüdo və sumo üzrə dünya çempionatları da baş tutacaq.

Səbuhi Musa