2026-cı il FIVB Voleybol Millətlər Liqasının (VNL) qalibi müəyyənləşib.

Prosport.Az xəbər verir ki, Çinin Makao Xüsusi İnzibati Ərazisində yerləşən "East Asian Games Dome" arenasında keçirilən final qarşılaşmasında Türkiyə və Braziliya milli komandaları üz-üzə gəlib.

Gərgin mübarizə şəraitində keçən oyunda Türkiyə yığması rəqibini 3:1 hesabı ilə məğlub edərək turnirin qalibi olub. "Filenin sultanları" ilk seti 23:25 hesabı ilə uduzsa da, növbəti setlərdə 26:24, 26:24 və 25:21 hesablı qələbələrlə çempionluğu təmin edib.

Qeyd edək ki, Türkiyə qadın voleybol millisi 2018-ci ildən keçirilən Voleybol Millətlər Liqasının final mərhələsində ardıcıl səkkizinci dəfə mübarizə aparıb. Komanda bu turnirdə ikinci dəfə qızıl medal qazanıb. Türkiyə yığması daha əvvəl 2023-cü ildə finalda Çini məğlub edərək çempion olmuş, 2018-ci ildə isə ABŞ-yə uduzaraq gümüş medalla kifayətlənmişdi.