Məktəblilərin Respublika İdman Olimpiadası çərçivəsində ağırlıqqaldırma yarışlarına start verilib.

Prosport.Az xəbər verir ki, Şüvəlan Ağırlıqqaldırma Akademiyasında keçirilən yarışın ilk günündə qızlar mübarizəyə qoşulublar. Yarışın yekununda mükafatçılar da müəyyənləşib.

Qazax təmsilçisi Hənifə Məhərrəmli toplam 160 kq (73 kq + 87 kq) nəticə göstərərək qızıl medala sahib çıxıb. Gəncəli idmançı Zeynəb Həsənova 134 kq (63 kq + 71 kq) nəticə ilə ikinci yeri tutub.

Bürünc medala isə Bakı təmsilçisi Zeynəb Bəkirli layiq görülüb. O, iki hərəkətin cəmində 116 kq (53 kq + 63 kq) nəticə göstərib.

Qeyd edək ki, iştirakçıların nəticələri Sinkler cədvəli üzrə hesablanıb.

Ağırlıqqaldırma yarışlarında 100-dən çox atlet iştirak edir. Üç gün davam edəcək yarışın sonunda bütün qalib və mükafatçıların adlarına aydınlıq gələcək.