Almaniyalı mütəxəssis Jürgen Klopp Türkiyə millisinin 2026-cı il dünya çempionatındakı çıxışını dəyərləndirib.

Prosport.Az xəbər verir ki, “Maqenta TV”nin canlı yayımında danışan Klopp türk azarkeşlərin məyusluğunu anladığını bildirib:

"Bu illər ərzində çoxlu türk dostlar qazanmışam və onların nə qədər məyus olduqlarını yaxşı başa düşürəm. Türkiyə turnirə böyük həvəslə başladı. Ancaq baş verənlər göstərdi ki, niyə belə güclü komanda bəzən böyük turnirlərdə məqsədinə çata bilmir.

Kimsə soruşsa ki, onlar qələbəni kifayət qədər istəmirdilərmi? cavab qəti şəkildə xeyr olacaq. Oyunu izləyən hər kəs futbolçuların nə qədər istəkli olduqlarını gördü. Lakin üzərlərində çox böyük təzyiq var idi və onlar bunun öhdəsindən gələ bilmədilər.

Qələbəni o qədər çox istəyirdilər ki, hücum zamanı müdafiədə balansı və təhlükəsizliyi unutdular. Nəticədə turnirin əvvəlindəki oyun üslublarından uzaqlaşdılar və psixoloji təzyiq səbəbindən özləri kimi çıxış edə bilmədilər."

Qeyd edək ki, Türkiyə milli futbol komandası qrup mərhələsində əvvəlcə Avstraliya milli futbol komandası qarşısında 0:2, daha sonra isə Paraqvay milli futbol komandası qarşısında 0:1 hesabı ilə məğlub olub və pley-off şansını itirib.