"Qarabağ" heyətində daha bir futbolçu ilə müqavilə yenilənib.

Prosport.Ax xəbər verir ki, klub Azərbaycan milli komandasının Dağıstan əsilli mərkəz müdafiəçisi Bədəvi Hüseynov ilə yeni 1 illik sözləşmə imzalayıb.

Razılaşmaya əsasən, 34 yaşlı futbolçu 2027-ci ilin yayına qədər Ağdam təmsilçisinin uğurları üçün çıxış edəcək.

2012-ci ildən “Qarabağ”ın formasını geyinən Bədəvi Hüseynov klubun əsas simalarından biri kimi uzun illərdir komandanın müdafiə xəttində yer alır. O, Premyer Liqada 267 oyunda 5 qola imza atıb.

Təcrübəli müdafiəçi “Qarabağ”la 11 dəfə Azərbaycan çempionu, 5 dəfə isə ölkə kubokunun qalibi olub. Milli komandada isə 82 oyuna çıxaraq 1 qola imza atıb.