Şotlandiyanın “Seltik” klubu “Qarabağ”ın hücumçusu Kamilo Duranı heyətinə qatmaq imkanını nəzərdən keçirir.

Prosport.Az Şotlandiya mətbuatına istinadən xəbər verir ki, Qlazqo təmsilçisi yay transfer pəncərəsində hücum xəttini gücləndirməyi planlaşdırır. Komandanın baş məşqçisi Martin O’Nill yeni mövsüm öncəsi ən azı iki hücumçu transfer etmək niyyətindədir.

Bu səbəbdən klub yeni namizədlər üzərində işləyir və siyahıda “Qarabağ”ın formasını geyinən Kamilo Duranın da adı yer alıb. Məlumata görə, kolumbiyalı forvard “Seltik”in maraq dairəsindədir.

Qeyd edək ki, Duran ötən mövsüm UEFA Çempionlar Liqasında uğurlu çıxışı ilə diqqət çəkib. Hücumçu turnirdə dörd müxtəlif rəqibə qarşı qol vuraraq özünü göstərə bilib.

Məhz bu performansın Avropanın bir sıra klublarının diqqətini futbolçuya yönəltdiyi bildirilir.