Dünya Kubokunun qrup mərhələsində komandaların sıralanma qaydasında dəyişiklik edilib.

Prosport.Az xəbər verir ki, yeni qaydalara əsasən artıq ümumi top fərqi əsas meyar kimi ilk sırada yer almayacaq.

Bundan sonra xallar bərabər olduqda ilk olaraq komandaların bir-biri ilə keçirdiyi oyunların nəticələrinə baxılacaq. Yalnız bu göstərici də eyni olarsa, ümumi top fərqi nəzərə alınacaq.

Qeyd edək ki, əvvəlki sistemdə əsas üstünlük məhz ümumi top fərqinə verilirdi.