"Neftçi" mərkəz müdafiəçisi axtarışlarını bitirib.

Prosport.Az sportinfo.az-a istinadən xəbər verir ki, Yuri Vernidub bir neçə namizəd arasından seçimini Andrea Qravillonun xeyrinə edib.

28 yaşlı arxa xətt oyunçusu ilə bütün detallarda razılıq əldə olunub.

Qvadelupadan olan legioner artıq Bakıdadır. Tibbi müayinədən keçdikdən sonra yeni transfer ictimaiyyətə təqdim ediləcək.

Andrea son mövsümü İtaliya B Seriyası təmsilçisi "Peskara"da keçirib. 24 matçda meydana çıxıb və 1 məhsuldar ötürmə ilə yadda qalıb.

O, "Peskara"ya qədər İtaliyada "İnter", "Torino", "Sossuolo", "Askoli", "Benevento" kimi klublarda da forma geyinib.

İtaliyadan başqa, Türkiyə ("Adanaspor") və Fransada ("Reims" və "Loryan") legioner həyatı yaşayıb. Milli komandada keçirdiyi 19 qarşılaşmada 2 qolla yadda qalıb.